O‘zbekiston boks terma jamoasi bosh murabbiyi Tulqin Qilichev "Ustozlar va murabbiylar kuni" bayrami arafasida qimmatbaho sovg‘aga ega bo‘ldi.
Internet tarmoqlarida Isroil Madrimov, Murodjon Ahmadaliyev va Bahodir Jalolov ustozlariga yangi "Mercedes" rusumli qimmatbaho avtomobilni topshirgani aks etgan video tarqaldi. Avtomobilning bahosi taxminan 150 ming dollarga teng.
«Assalomu alaykum, hammaga! Biz hozir ustozimiz Tulqin Qilichevning xonadoniga keldik. Bizda ustozimiz uchun ajoyib syurpriz bor», — dedi Madrimov.
.
"Xudo xohlasa, kutinglar, syurprizni zo‘ri bo‘ladi!», — deya qo‘shimcha qildi Murodjon Ahmadaliyev.
«Assalomu alaykum, hammaga! 1 oktyabr — O‘qituvchilar va murabbiylar kuniga atrab, do‘stlarim bilan ustozimizga sovg‘a xarid qildik. Men safarda bo‘lganim uchun sovg‘ani Isroil va Murodjon topshiradi. Ustoz, bayramingiz muborak! Yurakdan tabriklaymiz», — deya fikr bildirdi Jalolov.













