"Liverpul"ning sobiq futbolchisi Jeymi Karrager Londonning "Arsenal" klubi Premyer-liganing joriy mavsumida chempion bo‘lish ehtimoli haqida gapirdi.
Yakshanba kuni "kanonirlar" "Nyukasl" ustidan irodali g‘alabani ilib ketdi (2:1) va peshqadam "Liverpul" bilan oradagi farqni ikki ochkogacha qisqartirdi.
"Edegor "Nyukasl"ga qarshi o‘yinda zaxiradan maydonga tushganida o‘yinni o‘zgartirdi. U ajoyib tarzda o‘zini ko‘rsatdi. Menimcha, "Arsenal" chempion bo‘lishi uchun aynan shunday Edegor kerak. Agar Martin bir necha yil oldingi darajasini muntazam namoyish eta olsa, jamoa chempionlik uchun ajoyib imkoniyatga ega bo‘ladi," - deya Karragerning so‘zlarini keltirmoqda ingliz OAV.
Shanba kuni "Arsenal" o‘z uyida "Vest Xem"ni qabul qiladi. Undan oldin Mikel Arteta jamoasi Chempionlar ligasida "Olimpiakos"ga qarshi maydonga tushadi.













