Antidoping qoidalarini buzganligi sababli diskvalifikasiya muddatini o‘tagan yarim himoyachi Pol Pogba o‘z faoliyatini "Monako"da qayta jonlantirmoqchi.
Futbolchi yozda Liga 1 jamoasiga o‘tgan bo‘lsa-da, hozirgacha birorta o‘yinda maydonga tushmagan - Pogba hali ham sport formasini tiklayapti. Monegasklar bosh murabbiyi Adi Xyutter Pol qachon maydonga qaytishi haqida ma’lumot berdi.
"Biz uning "Nissa"ga qarshi o‘yinda tarkibda bo‘lishini kutgandik. Biroq "Anje"ga qarshi o‘yinni kutishimizga to‘g‘ri kelishi mumkin. Umid qilamizki, Pogba terma jamoalar o‘yinlari uchun tanaffusdan so‘ng maydonga chiqishga tayyor bo‘ladi," - deya Xyutter jurnalistlarga ma’lum qildi.
Fransiya chempionati doirasidagi "Anje" va "Monako" o‘rtasidagi uchrashuv 18 oktyabr, shanba kuni bo‘lib o‘tishi rejalashtirilgan.
