"Barselona" vingeri Lamin Yamal Ispaniya terma jamoasining navbatdagi o‘yinlariga jalb etiladi.
18 yoshli futbolchi yaqindagina "qizil furiya"ning sentyabr oyidagi yig‘ini vaqtida olgan jarohatini davoladi. Marca xabariga ko‘ra, murabbiy Luis de la Fuente vunderkindga dam bermaydi - futbolchi yaqinlashib kelayotgan xalqaro tanaffusda terma jamoa safiga taklif etiladi.
11 oktyabr kuni ispanlar o‘z maydonida Gruziyaga qarshi o‘ynaydi, uch kundan so‘ng esa o‘z uyida bolgariyalik raqiblarni qabul qiladi. Har ikkala bahs ham 2026 yilgi jahon chempionati saralash bosqichi doirasida bo‘lib o‘tadi.
Lamin Yamal joriy mavsum "Barselona" safida 5 ta o‘yinda 2 ta gol va 4 ta golli uzatmani o‘z hisobiga yozdirib qo‘ydi.
