"Барселона" вингери Ламин Ямал Испания терма жамоасининг навбатдаги ўйинларига жалб этилади.
18 ёшли футболчи яқиндагина "қизил фурия"нинг сентябрь ойидаги йиғини вақтида олган жароҳатини даволади. Marca хабарига кўра, мураббий Луис де ла Фуэнте вундеркиндга дам бермайди - футболчи яқинлашиб келаётган халқаро танаффусда терма жамоа сафига таклиф этилади.
11 октябрь куни испанлар ўз майдонида Грузияга қарши ўйнайди, уч кундан сўнг эса ўз уйида болгариялик рақибларни қабул қилади. Ҳар иккала баҳс ҳам 2026 йилги жаҳон чемпионати саралаш босқичи доирасида бўлиб ўтади.
Ламин Ямал жорий мавсум "Барселона" сафида 5 та ўйинда 2 та гол ва 4 та голли узатмани ўз ҳисобига ёздириб қўйди.
