Italiya A seriyasining 6-turidan o‘rin olgan «Inter» va «Kremoneze» jamoalari o‘rtasidagi bellashuv yakunlandi. O‘yin Milandagi «San-Siro stadionida bo‘lib o‘tdi. Uchrashuvni bosh hakam Ermanno Felichani boshqardi. Bahsda maydon egalari 4:1 hisobida yirik g‘alabaga erishdi.

Uyinning 6-daqiqasida «Inter» hujumchisi Lautaro Martines hisobni ochdi. 12-daqiqada Federiko Dimarko urgan gol VAR orqali bekor qilindi. 38-daqiqada Anj-Yoan Bonni hisobni ikki barobar oshirdi.

55-daqiqada Dimarko jamoasining ustunligini mustahkamladi. 57-daqiqada yarimhimoyachi Nikolo Barella «Inter»ning to‘rtinchi golini urdi. 87-daqiqada «Kremoneze» hujumchisi Federiko Bonassoli bir gol urib, hisobni qisqartirdi.

Shu tariqa, «Inter» joriy mavsumdagi ochkolarini 12 taga yetkazdi va A Seriyasi jadvalida birinchi o‘ringa ko‘tarildi. «Milan», «Napoli» va «Roma» ham shuncha ochkoga ega, ammo ular 6-turda hali maydonga tushmagan. «Kremoneze» esa olti o‘yindan keyin to‘plagan 9 ochko bilan sakkizinchi o‘rinda bormoqda.

Italiya — A Seriyasi. 6-tur
4 oktyabr 2025, shanba. 21:00
Inter (Milan) — Kremoneze (Kremona) - 4:1
Gollar: 1:0 — Martines (6’), 2:0 — Bonni (38’),  3:0 — Dimarko (55’), 4:0 — Barella (57’), 4:1 — Bonassoli (87’)