Италия А сериясининг 6-туридан ўрин олган «Интер» ва «Кремонезе» жамоалари ўртасидаги беллашув якунланди. Ўйин Миландаги «Сан-Сиро стадионида бўлиб ўтди. Учрашувни бош ҳакам Эрманно Феличани бошқарди. Баҳсда майдон эгалари 4:1 ҳисобида йирик ғалабага эришди.

Уйиннинг 6-дақиқасида «Интер» ҳужумчиси Лаутаро Мартинес ҳисобни очди. 12-дақиқада Федерико Димарко урган гол VAR орқали бекор қилинди. 38-дақиқада Анж-Йоан Бонни ҳисобни икки баробар оширди.

55-дақиқада Димарко жамоасининг устунлигини мустаҳкамлади. 57-дақиқада яримҳимоячи Николо Барелла «Интер»нинг тўртинчи голини урди. 87-дақиқада «Кремонезе» ҳужумчиси Федерико Бонаццоли бир гол уриб, ҳисобни қисқартирди.

Шу тариқа, «Интер» жорий мавсумдаги очколарини 12 тага етказди ва А Серияси жадвалида биринчи ўринга кўтарилди. «Милан», «Наполи» ва «Рома» ҳам шунча очкога эга, аммо улар 6-турда ҳали майдонга тушмаган. «Кремонезе» эса олти ўйиндан кейин тўплаган 9 очко билан саккизинчи ўринда бормоқда.

Италия — А Серияси. 6-тур
4 октябрь 2025, шанба. 21:00
Интер (Милан) — Кремонезе (Кремона) - 4:1
Голлар: 1:0 — Мартинес (6’), 2:0 — Бонни (38’),  3:0 — Димарко (55’), 4:0 — Барелла (57’), 4:1 — Бонаццоли (87’)