Superliganing 24-turida Muborakning «Mash’al» jamoasi Navoiyning «Qizilqum» jamoasiga qarshi maydonga tushadi.

Uchrashuv rasmiylari

Navoiyda bo‘lib o‘tadigan «Qizilqum» – «Mash’al» uchrashuvini Ahrol Risqullayev boshqarib boradi. Unga qanotlarda Shohruh Maqsudov va Adham Rihsiboyev yordam beradi. Zaxira hakami – Zufar Ergashev. Hakamlar faoliyatini Aleksandr Popov nazorat qiladi. Uchrashuv komissari – Shohruh Said.

O‘zaro o‘yinlar

«Mash’al» va «Qizilqum» shu kunga qadar chempionat bahslarida 35 marta to‘qnash kelgan. G‘alabalar bo‘yicha «Qizilqum»da 11 ta, «Mash’al»da esa 10 ta yutuq bor. 14 ta o‘yin durang bilan yakunlangan. Muborakliklar raqib darvozasini 46 marta ishg‘ol qilgan bo‘lsalar, navoiyliklar esa 44 gol urgan.

«Mash’al»ning o‘zaro o‘yinlarda qo‘lga kiritgan eng yirik g‘alabasi — 6:1. «Qizilqum»da bu ko‘rsatkich 6:3 bo‘lib turibdi.