"Manchester Siti" bosh murabbiyi Xosep Gvardiola "Brentford"ga (1:0) qarshi o‘yinda jamoasiga g‘alaba keltirgan gol muallifi Erling Xoland haqidagi savolga javob berdi.
Norvegiyalik forvard 9-daqiqada raqib darvozasini ishg‘ol qildi.
"Biz Xolandni yanada tez-tez uzatmalar bilan ta’minlashimiz kerak. Hozir u bor diqqatini o‘yinga jamlagan, to‘p bilan ko‘proq muloqot qiladi. U mehnatsevar, pressingda ishlaydi. Men mamnunman.
Ketma-ket to‘qqizta golli o‘yin seriyasi? Umid qilamanki, Erling Norvegiya terma jamoasi safida yana gol uradi, keyin esa "Everton"ga qarshi navbatdagi o‘yinimizga yaxshi formada yetib keladi," - dedi Gvardiola.
