O‘tmishda mashhur futbolchi bo‘lgan Ivan Rakitich "Yuventus"ga qanday borib qolishi mumkin bo‘lganini esladi. Xorvat futbolchining aytishicha, uni Turin klubiga birov emas, Krishtianu Ronalduning o‘zi taklif qilgan ekan.
"Bu haqiqat, Krishtianu 2019 yilda menga qo‘ng‘iroq qilib: "Yuventus"ga o‘t", dedi. Men Italiyada jon-dilim bilan o‘ynagan bo‘lardim. Bu mening eng katta afsusim," - dedi Rakitich.
Rakitichning so‘zlariga ko‘ra, "Yuventus"ga o‘tishi "Barselona" oldidagi majburiyatlari tufayli amalga oshmagan.
O‘tgan yozda 37 yoshli Ivan Rakitich futbolchilik faoliyatini yakunlashga qaror qilganini e’lon qilgandi. Rakitichning faoliyatidagi so‘nggi klubi "Xayduk" bo‘ldi.













