Ўтмишда машҳур футболчи бўлган Иван Ракитич "Ювентус"га қандай бориб қолиши мумкин бўлганини эслади. Хорват футболчининг айтишича, уни Турин клубига биров эмас, Криштиану Роналдунинг ўзи таклиф қилган экан.
"Бу ҳақиқат, Криштиану 2019 йилда менга қўнғироқ қилиб: "Ювентус"га ўт", деди. Мен Италияда жон-дилим билан ўйнаган бўлардим. Бу менинг энг катта афсусим," - деди Ракитич.
Ракитичнинг сўзларига кўра, "Ювентус"га ўтиши "Барселона" олдидаги мажбуриятлари туфайли амалга ошмаган.
Ўтган ёзда 37 ёшли Иван Ракитич футболчилик фаолиятини якунлашга қарор қилганини эълон қилганди. Ракитичнинг фаолиятидаги сўнгги клуби "Хайдук" бўлди.
