"Manchester Siti" himoyachisi Jon Stouns faoliyatini tugatish haqida o‘ylaganini aytdi. O‘tgan mavsum Stouns uchun bir qator jarohatlar tufayli juda og‘ir kechdi. Himoyachi o‘tgan Angliya chempionatida bor-yo‘g‘i 11 marta maydonga tushgan.
"O‘tgan mavsum men uchun shunchalik og‘ir kechdiki, hatto faoliyatimni tugatish haqida o‘yladim. Professional bo‘lishdan, hamma narsani to‘g‘ri bajarishdan, keyin esa yana jarohat olib, hech qanday natijaga erisholmaslikdan charchadim. Bu ruhiy jihatdan juda og‘ir edi.
Hamma narsani to‘g‘ri bajarsang-u, baribir yangi jarohat olsang, bu ruhiyat uchun haqiqiy sinov bo‘ladi. Umid qilamanki, men hech qachon bu holatga qaytmayman," - dedi Stounz BBC'ga.
"Manchester Siti" hozirda Premyer-liga turnir jadvalida beshinchi o‘rinda turmoqda.
