"Манчестер Сити" ҳимоячиси Жон Стоунс фаолиятини тугатиш ҳақида ўйлаганини айтди. Ўтган мавсум Стоунс учун бир қатор жароҳатлар туфайли жуда оғир кечди. Ҳимоячи ўтган Англия чемпионатида бор-йўғи 11 марта майдонга тушган.
"Ўтган мавсум мен учун шунчалик оғир кечдики, ҳатто фаолиятимни тугатиш ҳақида ўйладим. Профессионал бўлишдан, ҳамма нарсани тўғри бажаришдан, кейин эса яна жароҳат олиб, ҳеч қандай натижага эришолмасликдан чарчадим. Бу руҳий жиҳатдан жуда оғир эди.
Ҳамма нарсани тўғри бажарсанг-у, барибир янги жароҳат олсанг, бу руҳият учун ҳақиқий синов бўлади. Умид қиламанки, мен ҳеч қачон бу ҳолатга қайтмайман," - деди Стоунз BBC'га.
"Манчестер Сити" ҳозирда Премьер-лига турнир жадвалида бешинчи ўринда турмоқда.
