Italiya terma jamoasi bosh murabbiyi Jennaro Gattuzo JCH-2026 saralash turnirida Isroilga qarshi o‘yinni boykot qila olmasliklarini ta’kidladi.
Jamoalar o‘rtasidagi uchrashuv 14 oktyabr kuni bo‘lib o‘tadi.
"Seshanba kuni Udinega yo‘l olamiz. U yerda tomoshabinlar juda oz bo‘lishini bilamiz va sizning tashvishingizni tushunaman. Ammo biz o‘ynashimiz shartligini ham bilamiz, aks holda bizga 0:3 hisobida texnik mag‘lubiyat yoziladi. Albatta, sodir bo‘layotgan voqealarni ko‘rish achinarli. Bu yurakni ezadi," - deya Gattuzoning so‘zlarini keltiradi Eurosport.
2 oktyabr kuni FIFA kengashining so‘nggi yig‘ilishida Isroil terma jamoalari va klublarini xalqaro musobaqalardan chetlashtirish masalasi muhokama qilinmagani ma’lum bo‘ldi.
