Niderlandiya terma jamoasi bosh murabbiyi Ronald Kuman himoyachi Natan Ake ko‘proq o‘yin amaliyotiga ega bo‘lish uchun "Manchester Siti"ni tark etishi kerakligiga shama qildi.
"Biz bu haqda gaplashdik. Nimadir o‘zgartirish kerak. Kam o‘ynash va shu bilan birga terma jamoaning bir qismi bo‘lib qolish mumkin emas. Bu masalada o‘yin ritmi muhim," - deya Kumanning so‘zlarini keltiradi de Telegraaf.
O‘tgan mavsumda Ake "shaharliklar" safida 20 ta o‘yinda maydonga tushdi, u jarohatlar tufayli jamoaning doimiy o‘yinchisi bo‘lolmadi. Joriy mavsumda himoyachi klubning oltita uchrashuvida maydonga tushdi. Natanning "Manchester Siti" bilan shartnomasi 2027 yilning yozigacha mo‘ljallangan. Transfermarkt sayti ma’lumotlariga ko‘ra, Akening hozirgi narxi 25 mln yevroni tashkil qilmoqda.
