Нидерландия терма жамоаси бош мураббийи Рональд Куман ҳимоячи Натан Аке кўпроқ ўйин амалиётига эга бўлиш учун "Манчестер Сити"ни тарк этиши кераклигига шама қилди.
"Биз бу ҳақда гаплашдик. Нимадир ўзгартириш керак. Кам ўйнаш ва шу билан бирга терма жамоанинг бир қисми бўлиб қолиш мумкин эмас. Бу масалада ўйин ритми муҳим," - дея Куманнинг сўзларини келтиради de Telegraaf.
Ўтган мавсумда Аке "шаҳарликлар" сафида 20 та ўйинда майдонга тушди, у жароҳатлар туфайли жамоанинг доимий ўйинчиси бўлолмади. Жорий мавсумда ҳимоячи клубнинг олтита учрашувида майдонга тушди. Натаннинг "Манчестер Сити" билан шартномаси 2027 йилнинг ёзигача мўлжалланган. Transfermarkt сайти маълумотларига кўра, Акенинг ҳозирги нархи 25 млн еврони ташкил қилмоқда.
