Xorvatiya terma jamoasi ustozi Zlatko Dalich Luka Modrichning "Milan"dagi o‘yinlaridan juda mamnun - ular futbolchi yoshi katta bo‘lishiga qaramay, terma jamoaga ham foyda keltira olishiga ishontirishmoqda.
"Luka hammamizni hayratda qoldirishdan to‘xtamaydi. U "Milan"ni yangi bosqichga olib chiqdi. U hali ham to‘liq 90 daqiqa o‘ynashga qodir, kutilganidan ham ortiq, o‘z energiyasi, kuchi, xarakteri va boshqa fazilatlarini namoyish etishda davom etmoqda. O‘ylaymanki, u Xorvatiya terma jamoasi uchun ham foydali bo‘ladi," - deya Dalichning so‘zlarini keltiradi pianetamilan.it.
Eslatib o‘tamiz, bungacha Modrich Madridning "Real" klubi sharafini himoya qilgan edi.













