Хорватия терма жамоаси устози Златко Далич Лука Модричнинг "Милан"даги ўйинларидан жуда мамнун - улар футболчи ёши катта бўлишига қарамай, терма жамоага ҳам фойда келтира олишига ишонтиришмоқда.

"Лука ҳаммамизни ҳайратда қолдиришдан тўхтамайди. У "Милан"ни янги босқичга олиб чиқди. У ҳали ҳам тўлиқ 90 дақиқа ўйнашга қодир, кутилганидан ҳам ортиқ, ўз энергияси, кучи, характери ва бошқа фазилатларини намойиш этишда давом этмоқда. Ўйлайманки, у Хорватия терма жамоаси учун ҳам фойдали бўлади," - дея Даличнинг сўзларини келтиради pianetamilan.it.

Эслатиб ўтамиз, бунгача Модрич Мадриднинг "Реал" клуби шарафини ҳимоя қилган эди.