Bundan roppa-rosa 10 yil muqaddam, 2015 yilning 8 oktyabrida Yurgen Klopp "Liverpul" bosh murabbiyi lavozimini egallagan edi. Germaniyalik mutaxassis Brendan Rojers ketganidan keyin mersisaydliklarni qabul qilib oldi. Klopp boshchiligidagi birinchi o‘yinda "Liverpul" 2015 yilning 17 oktyabrida "Tottenxem" mehmoni bo‘lib, 0:0 hisobida durang o‘ynadi.
Yurgen Klopp qo‘l ostida "Liverpul" 8 ta sovrinni qo‘lga kiritdi. Germaniyalikning Angliyadagi asosiy muvaffaqiyatlari - "Liverpul"ning so‘nggi 30 yil ichidagi ilk chempionligi (2020 yil) va Chempionlar ligasi g‘olibligi (2019 yil).
Yurgen Klopp 2023/2024 yilgi mavsum yakunida "Liverpul"ni tark etdi. Hozirda nemis "Red Bull" futbol tizimida ishlaydi.
