Бундан роппа-роса 10 йил муқаддам, 2015 йилнинг 8 октябрида Юрген Клопп "Ливерпуль" бош мураббийи лавозимини эгаллаган эди. Германиялик мутахассис Брендан Рожерс кетганидан кейин мерсисайдликларни қабул қилиб олди. Клопп бошчилигидаги биринчи ўйинда "Ливерпуль" 2015 йилнинг 17 октябрида "Тоттенхэм" меҳмони бўлиб, 0:0 ҳисобида дуранг ўйнади.
Юрген Клопп қўл остида "Ливерпуль" 8 та совринни қўлга киритди. Германияликнинг Англиядаги асосий муваффақиятлари - "Ливерпуль"нинг сўнгги 30 йил ичидаги илк чемпионлиги (2020 йил) ва Чемпионлар лигаси ғолиблиги (2019 йил).
Юрген Клопп 2023/2024 йилги мавсум якунида "Ливерпуль"ни тарк этди. Ҳозирда немис "Ред Булл" футбол тизимида ишлайди.
