Himoyachi Niko Shlotterbek anchadan beri "Borussiya Dortmund" yetakchisiga aylangan, muxlislarning sevimlisi va Niko Kovach jamoasining asosiy o‘yinchilaridan biri hisoblanadi. Ammo hozirda bitta savol bor - Shlotterbek uzoq muddat klubda qoladimi?
Sport BILD nashri ma’lumotiga ko‘ra, 25 yoshli markaziy himoyachiga allaqachon 2030 yilgacha mo‘ljallangan yangi shartnoma taklif qilingan, Shlotterbekning maoshi esa yiliga kamida sakkiz million yevrogacha oshishi kerak. Bonuslar bu maoshni yana 1 millionga oshirishi mumkin.
Klub rahbariyati tezkor javobdan umid qilmoqda, biroq Shlotterbek xotirjam. Qaror qabul qilish uchun muddat yo‘q, chunki mas’ullar bu vaziyatda bosim o‘tkazish noto‘g‘ri yo‘l ekanligini bilishadi.
Eslatib o‘tamiz, Shlotterbekning amaldagi shartnomasi 2027 yilga qadar imzolangan. Unga "Real" va "Barselona" jiddiy qiziqish bildirayotgani avvalroq xabar qilingandi.
