"Barselona" yarim himoyachisi Frenki de Yong tez orada klub bilan shartnomasini uzaytiradi, dedi kataloniyaliklar sport direktori Deku.
"Frenkining agentlari tarkibida ba’zi o‘zgarishlar bo‘ldi, biz bu muammoning hal etilishini kutdik. Bu masalaning pulga hech qanday aloqasi yo‘q. Hozir so‘nggi bosqichdamiz. Tez orada hammasi tayyor bo‘ladi," - deya Dekuning so‘zlarini keltiradi jurnalist Fabrisio Romano.
De Yong "Barselona" safida 2019 yildan buyon to‘p tepib kelmoqda. Joriy mavsumda 28 yoshli niderlandiyalik futbolchi barcha musobaqalarda 8 ta o‘yinda maydonga tushib, 1 ta golga assistentlik qildi.
