"Барселона" ярим ҳимоячиси Френки де Йонг тез орада клуб билан шартномасини узайтиради, деди каталонияликлар спорт директори Деку.
"Френкининг агентлари таркибида баъзи ўзгаришлар бўлди, биз бу муаммонинг ҳал этилишини кутдик. Бу масаланинг пулга ҳеч қандай алоқаси йўқ. Ҳозир сўнгги босқичдамиз. Тез орада ҳаммаси тайёр бўлади," - дея Декунинг сўзларини келтиради журналист Фабрицио Романо.
Де Йонг "Барселона" сафида 2019 йилдан буён тўп тепиб келмоқда. Жорий мавсумда 28 ёшли нидерландиялик футболчи барча мусобақаларда 8 та ўйинда майдонга тушиб, 1 та голга ассистентлик қилди.
