Krishtianu Ronaldu Saudiya Arabistoni poytaxti Ar-Riyod shahrida kosmetologiya klinikasini ochdi. Klinika faoliyatining asosiy yo‘nalishi — soch parvarishi va soch to‘kilishi muolajasi bo‘ladi.

«Agar meni sochsiz ko‘rsangiz, bu boshqa odam bo‘ladi. Menimcha, soch bilan odam yaxshiroq ko‘rinadi. Bu faqat mening fikrim, boshqalarga esa farqi yo‘q.

Ba’zan odamlar bu haqda hazillashadi, ammo aslida bu juda yaxshi ish. Men bu sohada ancha yillardan beri faolman va odamlarning muammolarini biroz tushunaman.

Odamlar klinikaga uyalib kiradi, besh yil avval bu go‘yo bir tamg‘a kabi edi. Ammo hozir boshqacha — odamlar bunga boshqa ko‘z bilan qaraydi. Endi bu tish shifokoriga borishdek oddiy holat», — dedi 40 yoshli «Al-Nasr» va Portugaliya terma jamoasi hujumchisi Ronaldu "Loud FM" podkastida.