Zlatko Dalich Xorvatiya terma jamoasi bosh murabbiyligidagi 100-o‘yindan keyin o‘z fikrlarini bildirib o‘tdi.
Payshanba kuni Xorvatiya JCH-2026 saralashida Chexiya bilan safarda durang o‘ynadi (0:0).
"Bu men uchun juda ko‘p narsani anglatadi, men juda baxtliman va federasiyamizga keyingi o‘yinni o‘z shahrim Varajdinda o‘tkazganimiz uchun minnatdorchilik bildirmoqchiman.
Umid qilamanki, Gibraltarga qarshi o‘yinda uch ochko olamiz va jahon chempionati sari navbatdagi katta qadamni tashlaymiz.
Bu yerda o‘z yo‘limni boshlaganimda, bunday marraga yetib borishimni xayolimga ham keltirmagandim. Lekin shunday bo‘lib qoldi va men jamoamiz bilan juda faxrlanaman. So‘nggi sakkiz yil ichida biz aql bovar qilmaydigan ishlarni amalga oshirdik. Uchta medallar to‘plami, ikkita jahon chempionatiga yo‘llanma", - dedi Dalich.
Xorvatiya Dalich davrida JCH-2018 kumush, JCH-2022 bronza medali sovrindori bo‘ldi va Millatlar Ligasi-2023da ikkinchi o‘rinni egalladi.
