Fransiya terma jamoasi va "Real"ning yulduz hujumchisi Kilian Mbappe Ispaniya poytaxtiga qaytib, tibbiy ko‘rikdan o‘tdi. Bu haqda insayder Arancha Rodriges ijtimoiy tarmoqlar orqali xabar bermoqda.

Manbaga ko‘ra, hujumchining to‘pig‘ida jiddiy jarohat aniqlanmagan. Kilian keyingi haftada mashg‘ulot jarayoniga qaytadi.

Ispaniya chempionatining joriy mavsumida 26 yoshli fransuz sakkizta o‘yin o‘tkazdi. Mbappe o‘z hisobiga 9 ta gol va 2 ta golli uzatmani yozdirib qo‘ydi. Uning "qirollik klubi" bilan shartnomasi 2029 yilning iyun oyi oxirigacha mo‘ljallangan va narxi 180 million yevroni tashkil etadi.