Франция терма жамоаси ва "Реал"нинг юлдуз ҳужумчиси Килиан Мбаппе Испания пойтахтига қайтиб, тиббий кўрикдан ўтди. Бу ҳақда инсайдер Аранча Родригес ижтимоий тармоқлар орқали хабар бермоқда.
Манбага кўра, ҳужумчининг тўпиғида жиддий жароҳат аниқланмаган. Килиан кейинги ҳафтада машғулот жараёнига қайтади.
Испания чемпионатининг жорий мавсумида 26 ёшли француз саккизта ўйин ўтказди. Мбаппе ўз ҳисобига 9 та гол ва 2 та голли узатмани ёздириб қўйди. Унинг "қироллик клуби" билан шартномаси 2029 йилнинг июнь ойи охиригача мўлжалланган ва нархи 180 миллион еврони ташкил этади.
