Italiya terma jamoasi bosh murabbiyi Jennaro Gattuzo Estoniyaga qarshi 3:1 hisobidagi g‘alabadan so‘ng intervyu berdi.
Italyanlar Moyze Kin, Mateo Retegi va Franchesko Pio Espozitoning 4-, 38- va 74-daqiqalarda kiritgan gollari tufayli ustunlikka erishdi. Maydon egalari esa 76-daqiqada darvozabon Janluiji Donnarummaning qo‘pol xatosi - to‘pni qo‘lidan chiqarib yuborishi natijasida 1 ta gol bilan javob qaytardi.
"Jijining xatosi - shunchaki bir martalik yanglishish. Bir jamoa 90 daqiqa davomida bunday ustunlik qilganini kamdan-kam kuzatish mumkin. Bu holat bizga o‘yinning so‘nggi daqiqasigacha diqqatni jamlash naqadar muhimligini eslatib turishi mumkin," - deya Gattuzoning so‘zlarini keltiradi Football Italia.
14 oktyabr kuni "skuadra adzurra" o‘z maydonida Isroil terma jamoasiga qarshi o‘yin o‘tkazadi.
