Ispaniya terma jamoasi va Kataloniyaning "Barselona" klubi sobiq forvardi David Vilya "ko‘k-anorranglilar" safiga transferini esladi. Bitim 2010 yilda amalga oshgan edi.
"Avvaliga meni laqillatishyapti, deb o‘yladim. Gvardiolaning shaxsan o‘zi men bilan bog‘langaniga ishonmadim. Keyin Xavining raqamini aniqlab, o‘zim Pepga qo‘ng‘iroq qildim. Biz suhbatlashdik, u mendan o‘z jamoasida qanday foydalanmoqchi ekanini tushuntirdi. Gvardiola bilan suhbatdan so‘ng men taklifga rozilik bilan javob qaytardim," - deya sobiq hujumchining so‘zlarini keltiradi ispan matbuoti.
David Kataloniya grandining 119 ta o‘yinida ishtirok etgan. Hujumchi 48 ta gol va 24 ta golli uzatmani amalga oshirgan.
