Madridning "Real" klubi hujumchisi Kilian Mbappe yozdagi kasallik asoratlarini esladi.
Fransiyalik yulduz ovqatdan zaharlanib, klublar o‘rtasidagi jahon chempionatida Xabi Alonso qo‘l ostidagi jamoaning dastlabki o‘yinlarini o‘tkazib yuborgandi.
"O‘sha kasallik paytida men yetti kilogrammga yaqin vazn yo‘qotdim, ammo keyinchalik ikki-uch kilogramm vazn qo‘shdim. Hozir o‘tgan yilga qaraganda biroz kamroq vaznga egaman, lekin o‘zimni juda yaxshi his qilyapman," - dedi Mbappe Movistar’ga bergan intervyusida.
Joriy mavsumda hujumchi barcha musobaqalarda "qaymoqranglilar" safida o‘nta bahsda 14 ta gol urdi va ikkita golli uzatmani amalga oshirdi.
