Мадриднинг "Реал" клуби ҳужумчиси Килиан Мбаппе ёздаги касаллик асоратларини эслади.
Франциялик юлдуз овқатдан заҳарланиб, клублар ўртасидаги жаҳон чемпионатида Хаби Алонсо қўл остидаги жамоанинг дастлабки ўйинларини ўтказиб юборганди.
"Ўша касаллик пайтида мен етти килограммга яқин вазн йўқотдим, аммо кейинчалик икки-уч килограмм вазн қўшдим. Ҳозир ўтган йилга қараганда бироз камроқ вазнга эгаман, лекин ўзимни жуда яхши ҳис қиляпман," - деди Мбаппе Movistar’га берган интервьюсида.
Жорий мавсумда ҳужумчи барча мусобақаларда "қаймоқранглилар" сафида ўнта баҳсда 14 та гол урди ва иккита голли узатмани амалга оширди.
