"Barselona"ning «Spotify Kamp Nou»ga qaytishi nima sababdan kechikayotgani ma’lum bo‘ldi.

Sport nashri xabariga ko‘ra, klub yaqinda 1A ruxsatnomasini oladi, bu esa stadionda 27 ming tomoshabinga ruxsat beradi.

Biroq, rahbariyat 1B ruxsatnomasi olinmaguncha qaytmaslikka qaror qildi — u holda 45 ming tomoshabin kiritishga imkon bo‘ladi.

Qaror iqtisodiy sabablarga ko‘ra qabul qilindi, shuning uchun o‘yinlar «Monjuik» stadionida davom etadi.

"Barcelona" hali UYEFAdan guruh bosqichining qolgan o‘yinlarini "Kamp Nou"da o‘tkazish uchun ruxsat so‘rashi kerak.