Portugaliya terma jamoasi bosh murabbiyi Roberto Martines JCH-2026 saralashidan o‘rin olgan Vengriyaga (2:2) qarshi o‘yindagi durangdan so‘ng o‘z fikrlarini bildirib o‘tdi.
"Og‘ir o‘yin, raqibimiz o‘zini juda yaxshi ko‘rsatdi. Vengriya standartlar bo‘yicha xavfli edi, ammo tanaffusgacha o‘yinni nazorat qildik. Ikkinchi bo‘lim ham yaxshi boshlandi, biroq bizga sovuqqonlik yetishmadi. So‘nggi o‘n daqiqada jahon chempionatiga muddatidan oldin chiqish uchun g‘alabani saqlab qolishga harakat qildik va bu kayfiyatimizga salbiy ta’sir ko‘rsatdi.
Oson o‘yinlar bo‘lmaydi. Jahon chempionatiga eng yaxshi holatda kelish uchun bunday vaziyatlarda so‘nggi daqiqalarda to‘g‘ri harakat qila olishimiz kerak," - dedi Martines matbuot anjumanida.
Portugaliya terma jamoasi Vengriyadan 5 ochko oldinda bo‘lib, guruhda hamon peshqadamlik qilmoqda.
