Португалия терма жамоаси бош мураббийи Роберто Мартинес ЖЧ-2026 саралашидан ўрин олган Венгрияга (2:2) қарши ўйиндаги дурангдан сўнг ўз фикрларини билдириб ўтди.
"Оғир ўйин, рақибимиз ўзини жуда яхши кўрсатди. Венгрия стандартлар бўйича хавфли эди, аммо танаффусгача ўйинни назорат қилдик. Иккинчи бўлим ҳам яхши бошланди, бироқ бизга совуққонлик етишмади. Сўнгги ўн дақиқада жаҳон чемпионатига муддатидан олдин чиқиш учун ғалабани сақлаб қолишга ҳаракат қилдик ва бу кайфиятимизга салбий таъсир кўрсатди.
Осон ўйинлар бўлмайди. Жаҳон чемпионатига энг яхши ҳолатда келиш учун бундай вазиятларда сўнгги дақиқаларда тўғри ҳаракат қила олишимиз керак," - деди Мартинес матбуот анжуманида.
Португалия терма жамоаси Венгриядан 5 очко олдинда бўлиб, гуруҳда ҳамон пешқадамлик қилмоқда.
