"Barselona" markaziy himoyachisi Erik Garsiya klub bilan shartnoma muzokaralarining borishi haqidagi savolga javob berdi.
Turli manbalarga ko‘ra, 24 yoshli futbolchi Kataloniya grandi bilan shartnomasini uzaytirishga yaqin turibdi.
Bu ma’lumotni ispaniyalikning o‘zi tasdiqladi. "Men klub bilan muzokaralar olib bormoqdaman - umid qilamanki, tez orada ijobiy natijaga erishamiz.
"Barselona"da o‘zimni qulay his qilyapman va men shu yerda qolishni istayman", - deya Garsiyaning so‘zlarini keltiradi Barca Universal.













