Myunxenning “Bavariya” klubi hujumchisi Xarri Keyn klubning sentyabr oyidagi eng yaxshi futbolchisi sovrinini qo‘lga kiritdi.

G‘olib jamoa muxlislari tomonidan onlayn ovoz berish orqali aniqlandi.

Angliyalik forvard muxlislarning 54% ovoziga ega bo‘lib, eng yaqin raqiblari Maykl Olise (12,1%) va Luis Diazni (11,6%) sezilarli darajada ortda qoldirdi.

Sentyabr oyida Keyn barcha musobaqalarda beshta o‘yin o‘tkazib, 11 gol urdi va bitta golli uzatmani amalga oshirdi.

“Bavariya” ayni damda 18 ochkoga ega va Germaniya chempionati turnir jadvalida peshqadamlik qilmoqda.