"Bavariya" joriy mavsum davomida chap qanot himoyachisi Rafael Gerreyru bilan xayrlashmoqchi emas.
31 yoshli futbolchi kamdan-kam hollarda myunxenliklar safida asosiy tarkibda maydonga tushadi, shu bois OAVda uning ketishi haqida gap-so‘zlar yuribdi. Jurnalist Florian Plettenberg xabariga ko‘ra, "Bavariya" Gerreyruni yanvarda sotmoqchi emas. Klubdagilar futbolchining universalligini qadrlashadi va uni kamida mavsum oxirigacha saqlab qolishni istashadi. Murabbiy Vensan Kompani portugaliyalikni juda qadrlaydi.
Rafael Gerreyru joriy mavsumda "Bavariya"ning yettita uchrashuvida qatnashib, bittadan gol va assist qayd etdi. Yarim himoyada o‘ynay oladigan qanot himoyachisining shartnomasi kelasi yilning iyun oyida o‘z nihoyasiga yetadi.
