Ruminiya terma jamoasi va Buxarestning «Dinamo» klubi sobiq darvozaboni Florin Prunya «Liverpul» klubining sobiq bosh murabbiyi Yurgen Klopp haqida keskin fikr bildirdi.

– Yurgen Klopp endi murabbiylik qilmayapti, chunki u shunchaki xohlamaydi.
– Ha bo‘ldi, o‘zingning gapdon do‘stingni eslama endi.

– Qanday qilib shunday deyishing mumkin?
– «Liverpul» tarixidagi eng zaif murabbiy.

– U «Liverpul» bilan Chempionlar ligasini yutdi, 30 yillik tanaffusdan keyin jamoaga APL chempionilik unvonini olib berdi. Futbolchilar uni juda yaxshi ko‘rishardi, maydonda u uchun sidqidildan o‘ynashardi!
– Ha, ana shuning uchun u ketdi. Lekin nega «Liverpul»dan ketdi?

– Chunki kasbning qattiq bosimi uni charchatgan edi.
– U «Red Bull Zalsburg»ga ketdi, faqat pul topish uchun. Menga u hech qachon yoqmagan. Uning o‘zi ham, u sahnada qilgan “sirk"lari ham — go‘yo tishlari bilan g‘isht chaynayotgandek — menga yoqmasdi.

– U futbol tarixidagi eng buyuk murabbiylardan biri!
– Ha, bo‘yi bo‘yicha — shunday! U bir metr to‘qson, yoki bir metr to‘qson besh? — deya Prunyaning so‘zlarini "iAMsport" keltirdi.

Eslatib o‘tamiz, murabbiy Yurgen Klopp 2023/2024 yilgi mavsum yakunlangach «Liverpul»ni tark etgan. Hozirda u Red Bull tizimida faoliyat yuritmoqda. Klopp mersisaydliklar bilan APL, UEFA Chempionlar ligasi, mahalliy kuboklar va klublar o‘rtasidagi jahon chempionatida sovrinlar yutgan.