"Barselona" Robert Levandovskining o‘rnini egallashi mumkin bo‘lgan nomzodlarni o‘rganmoqda. "Ko‘k-anorranglilar" 37 yoshli polshalik bilan amaldagi shartnomasi muddati tugagach, kelasi yildayoq xayrlashishi mumkin. Transfer News Live’ning Fichajes nashriga tayanib xabar berishicha, kataloniyaliklar "Real Sosyedad" sardori Mikel Oyarsabalga da’vogarlik qilmoqda. "Barselona"da 28 yoshli forvardni qiziqishlar ro‘yxatiga kiritilgan yulduzroq va qimmatroq futbolchilardan afzal ko‘rishlari mumkin.
Mikel Oyarsabal "Real Sosyedad" safida 405 ta o‘yinda maydonga tushib, 117 ta gol va 62 ta golli uzatmaga mualliflik qilgan. Transfermarkt saytidagi futbolchining taxminiy narxi - 20 mln yevro.
