"Барселона" Роберт Левандовскининг ўрнини эгаллаши мумкин бўлган номзодларни ўрганмоқда. "Кўк-анорранглилар" 37 ёшли полЬшалик билан амалдаги шартномаси муддати тугагач, келаси йилдаёқ хайрлашиши мумкин. Transfer News Live’нинг Fichajes нашрига таяниб хабар беришича, каталонияликлар "Реал Сосьедад" сардори Микель Оярсабалга даъвогарлик қилмоқда. "Барселона"да 28 ёшли форвардни қизиқишлар рўйхатига киритилган юлдузроқ ва қимматроқ футболчилардан афзал кўришлари мумкин.

Микель Оярсабаль "Реал Сосьедад" сафида 405 та ўйинда майдонга тушиб, 117 та гол ва 62 та голли узатмага муаллифлик қилган. Transfermarkt сайтидаги футболчининг тахминий нархи - 20 млн евро.