"Pari Sen-Jermen" o‘z maydonida Liga 1 doirasida "Strasburg"ga qarshi o‘yinda (3:3) mag‘lubiyatga uchrashiga bir baxya qoldi.
Amaldagi chempionlar o‘yin boshidayoq hisobda oldinga chiqib olishdi, ammo mehmonlar birinchi bo‘limda ikkita aniq zarba bilan javob qaytarishdi va tanaffusdan ko‘p o‘tmay uchinchi golni ham urishdi. 58-daqiqada parijliklar bitta javob goli urishgan bo‘lsa, 79-daqiqada hisob tenglashdi.
"Hech bir murabbiy jamoasi uchta gol o‘tkazib yuborganidan zavqlanmaydi. Quvonadigan joyi yo‘q. Men har doim o‘z ishimni iloji boricha yaxshiroq bajarishga intilaman va baxtimga, tahlil qilish uchun ko‘p ma’lumotlarim bor. Taraqqiyotga erishish uchun shundan kelib chiqamiz.
O‘yinni yaxshi boshladik, ammo birinchi bo‘lim oxirini yomon o‘tkazdik. Muxlislarimiz bundan ham ko‘prog‘iga loyiq edi. Bundan hafsalam pir bo‘ldi," - dedi Enrike matbuot anjumanida.
"PSJ" 8 turdan keyin 17 ochko bilan musobaqa jadvalida peshqadamlik qilmoqda.
