"Пари Сен-Жермен" ўз майдонида Лига 1 доирасида "Страсбург"га қарши ўйинда (3:3) мағлубиятга учрашига бир бахя қолди.
Амалдаги чемпионлар ўйин бошидаёқ ҳисобда олдинга чиқиб олишди, аммо меҳмонлар биринчи бўлимда иккита аниқ зарба билан жавоб қайтаришди ва танаффусдан кўп ўтмай учинчи голни ҳам уришди. 58-дақиқада парижликлар битта жавоб голи уришган бўлса, 79-дақиқада ҳисоб тенглашди.
"Ҳеч бир мураббий жамоаси учта гол ўтказиб юборганидан завқланмайди. Қувонадиган жойи йўқ. Мен ҳар доим ўз ишимни иложи борича яхшироқ бажаришга интиламан ва бахтимга, таҳлил қилиш учун кўп маълумотларим бор. Тараққиётга эришиш учун шундан келиб чиқамиз.
Ўйинни яхши бошладик, аммо биринчи бўлим охирини ёмон ўтказдик. Мухлисларимиз бундан ҳам кўпроғига лойиқ эди. Бундан ҳафсалам пир бўлди," - деди Энрике матбуот анжуманида.
"ПСЖ" 8 турдан кейин 17 очко билан мусобақа жадвалида пешқадамлик қилмоқда.
