Londonning "Arsenal" klubi bosh murabbiyi Mikel Arteta qanot hujumchisi Noni Maduekening holati haqida gapirdi. 23 yoshli futbolchi sentyabr oyida "Manchester Siti"ga qarshi o‘yinda tizzasidan olgan jarohatini davolashda davom etmoqda.
"Noning qaytishiga oz qoldi. Biz optimistik kayfiyatdamiz. Tez orada u yugurish va boshqa mashg‘ulotlarga kirishadi. Ko‘ramiz, u yuklamalarni qanday o‘tkazadi," - dedi Arteta matbuot anjumanida.
Noni Madueke "Arsenal"ga joriy yilning iyul oyida "Chelsi"dan ko‘chib o‘tgan edi. Transfer qiymati 55 mln yevrodan ko‘proqni tashkil qilgan.













