Лондоннинг "Арсенал" клуби бош мураббийи Микель Артета қанот ҳужумчиси Нони Мадуэкенинг ҳолати ҳақида гапирди. 23 ёшли футболчи сентябрь ойида "Манчестер Сити"га қарши ўйинда тиззасидан олган жароҳатини даволашда давом этмоқда.
"Нонинг қайтишига оз қолди. Биз оптимистик кайфиятдамиз. Тез орада у югуриш ва бошқа машғулотларга киришади. Кўрамиз, у юкламаларни қандай ўтказади," - деди Артета матбуот анжуманида.
Нони Мадуэке "Арсенал"га жорий йилнинг июль ойида "Челси"дан кўчиб ўтган эди. Трансфер қиймати 55 млн евродан кўпроқни ташкил қилган.
