"Manchester Yunayted" bosh murabbiyi Ruben Amorim yarim himoyachi Kobbi Maynu va hujumchi Joshua Zirkzee tez orada klubni tark etishi haqidagi mish-mishlarga munosabat bildirdi.
"Qizil iblislar" bosh murabbiyining so‘zlariga ko‘ra, angliyalik va niderlandiyalik yanvarda ham jamoada qoladi.
"Ular bizning futbolchilarimiz va ikkalasi ham mavsumni yaxshi o‘tkazishi kerak. "Manchester Yunayted" atrofida doim shov-shuv ko‘pligini bilaman. Ba’zi futbolchilar o‘ynamaydi, shu bilan birga hamma muntazam maydonga tushishni xohlaydi - boz ustiga 2026 yilda jahon chempionati bo‘lib o‘tadi. Agentlar futbolchilarni tinglab, ular bilan tinimsiz suhbatlashmoqda," - deya Amorimning so‘zlarini keltiradi Utd Report.
Kobbi Maynu joriy mavsumda oltita o‘yinda ishtirok etdi, Joshua Zirkzee esa bor-yo‘g‘i to‘rt marta maydonga tushdi.
