"Manchester Siti" hujumkor yarim himoyachisi Fil Foden jamoadoshi Erling Xolandning o‘yini haqida gapirdi.
Norvegiyalik forvard shanba kuni bo‘lib o‘tgan Premyer-liga o‘yinida "shaharliklar"ga "Everton"ni mag‘lub etishga yordam berdi (2:0).
"Menimcha, u ikkita emas, to‘rtta gol urishi kerak edi. Hazil! Uning aql bovar qilmaydigan iste’dodi bor, hatto hamma narsa yaxshi bo‘lmasa ham, har doim diqqatni jamlash qobiliyatiga ega. Unga gol urish uchun bitta imkoniyat yetarli. Shu holatida u haqiqatan ham bizga katta foyda keltiradi. Men va boshqa hujumkor futbolchilar faollashib, ko‘proq gol urishni boshlashimiz kerak - biz har doim ham Erlingning gollariga ishonib qololmaymiz va buni tushunamiz," - deya Fodenning so‘zlarini keltiradi City Report.
Xoland sakkizta uchrashuvda 11 ta gol urib, Premyer-liga to‘purarlar poygasida yaqqol peshqadamlik qilmoqda.













