"Манчестер Сити" ҳужумкор ярим ҳимоячиси Фил Фоден жамоадоши Эрлинг Холанднинг ўйини ҳақида гапирди.
Норвегиялик форвард шанба куни бўлиб ўтган Премьер-лига ўйинида "шаҳарликлар"га "Эвертон"ни мағлуб этишга ёрдам берди (2:0).
"Менимча, у иккита эмас, тўртта гол уриши керак эди. Ҳазил! Унинг ақл бовар қилмайдиган истеъдоди бор, ҳатто ҳамма нарса яхши бўлмаса ҳам, ҳар доим диққатни жамлаш қобилиятига эга. Унга гол уриш учун битта имконият етарли. Шу ҳолатида у ҳақиқатан ҳам бизга катта фойда келтиради. Мен ва бошқа ҳужумкор футболчилар фаоллашиб, кўпроқ гол уришни бошлашимиз керак - биз ҳар доим ҳам Эрлингнинг голларига ишониб қололмаймиз ва буни тушунамиз," - дея Фоденнинг сўзларини келтиради City Report.
Холанд саккизта учрашувда 11 та гол уриб, Премьер-лига тўпурарлар пойгасида яққол пешқадамлик қилмоқда.
