Londonning "Arsenal" klubi vingeri Bukayo Saka Premyer-ligada "Fulxem"ga qarshi safar o‘yinidan (1:0) keyingi taassurotlari bilan o‘rtoqlashdi.
Uchrashuvning 58-daqiqasida Leandro Trossardning aniq zarbasi evaziga "kanonirlar" ustun keldi.
"O‘yinni umuman o‘zimiz xohlagandek boshlamadik, qiyin bo‘ldi. Ammo endi bizda bunday vaziyatlardan chiqib ketish uchun tajriba bor. So‘nggi yillarda biz bu stadionda yaxshi natija ko‘rsata olmayotgandik, ammo bugun barchasi muvaffaqiyatli yakunlandi," - dedi Saka o‘yindan keyin OAV bilan suhbatda.
Mikel Arteta jamoasi 8 turdan so‘ng 19 ochko jamg‘argan holda Angliya chempionati turnir jadvalida peshqadamlik qilmoqda.
