Лондоннинг "Арсенал" клуби вингери Букайо Сака Премьер-лигада "Фулхэм"га қарши сафар ўйинидан (1:0) кейинги таассуротлари билан ўртоқлашди.
Учрашувнинг 58-дақиқасида Леандро Троссарднинг аниқ зарбаси эвазига "канонирлар" устун келди.
"Ўйинни умуман ўзимиз хоҳлагандек бошламадик, қийин бўлди. Аммо энди бизда бундай вазиятлардан чиқиб кетиш учун тажриба бор. Сўнгги йилларда биз бу стадионда яхши натижа кўрсата олмаётгандик, аммо бугун барчаси муваффақиятли якунланди," - деди Сака ўйиндан кейин ОАВ билан суҳбатда.
Микель Артета жамоаси 8 турдан сўнг 19 очко жамғарган ҳолда Англия чемпионати турнир жадвалида пешқадамлик қилмоқда.
