Federiko Kyeza ketma-ket uchinchi o‘yinda sermahsul harakat qildi.
"Liverpul" vingeri APLning 8-turida "Manchester Yunayted"ga qarshi o‘yinning 72-daqiqasida zaxiradan maydonga tushdi va 78-daqiqada Kodi Gakpoga assistentlik qildi - 1:1. Keyinroq Maguayr kiritgan gol evaziga "qizil iblislar" 2:1 hisobida g‘alaba qozondi.
27 sentyabr kuni italiyalik futbolchi zaxiradan maydonga tushganidan so‘ng "Kristal Pelas" darvozasini ishg‘ol qilgandi, 23 sentyabr kuni esa "Sautgempton"ga qarshi Liga kubogi o‘yinida ikkita golli uzatmani amalga oshirgandi.
Kyeza joriy mavsumda yettinchi o‘yinini o‘tkazdi. Uning hisobida ikkita gol va uchta golli uzatma bor. O‘tgan mavsum davomida u atigi ikki marta gol urishga muvaffaq bo‘ldi va bitta golli uzatmani amalga oshirdi.













